واپس آتے رہنا

میں یہ تصور بھی نہیں کر سکتا کہ اگر میں نارانون جاتا اور وہاں میری مدد کرنے کے لئے کوئی بھی موجود نہ ہوتا تو کیا ہوتا۔ ناصرف وہاں میٹنگز ہوتی ہیں جن سے مجھے مضبوطی، اُمید اور تجربہ ملتا ہے جو مجھے مشکل حالات سے نمٹنے میں مدد دیتا ہے بلکہ وہاں نارانون ساتھی موجود ہوتے ہیں جن کی میں تکلیف میں مدد کر سکتا ہوں۔

یہ سب ممکن نہیں ہوسکتا اگر میں اپنے پروگرام پر کام کرنا بند کردوں اور میٹنگز میں آنا بند کردوں۔ میرے گروپ میں بہت سے لوگ آتے رہتے ہیں اور پھر دوبارہ لوٹ کے نہیں آتے یا پھر اپنے بحران کے گزرنے کے بعد آنا چھوڑ دیتے ہیں۔

ان نارانون ارکان کے بغیر جو اچھے حالات میں بھی پروگرام پر کام جاری رکھتے ہیں میٹنگز ہونا ممکن نہیں۔ میرے لئے سب سے بہترین احساس ہے کسی شخص کی بحران سے باہر آنے میں مدد کرنا یا پھر یہ جاننا کہ وہ اس بات کو سراہتے ہیں کہ میں اُنہیں سُننے کے لئے وہاں موجود تھا۔

جب میں تکلیف میں ہوں تو وہاں موجود کسی سپانسر یا رُکن کی مدد اور آسرا میرے لئے بے انتہا اور بے پایاں معانی رکھتا ہے۔ میں نے یہ چیزیں یاد رکھتا ہوں اور نئے ارکان کو خوش آمدید کہنے کے لیے وہاں موجود رہتا ہوں اور یاد رکھتا ہوں کہ مجھے کیسا لگا تھا جب میں پہلی بار یہاں آیا تھا۔

آج کی سوچ:

یہ سب کچھ نارانون کے متعلق ہے ۔۔۔ ہر شخص دوسرے کی مدد کرے، وہ چیز واپس کرے جو اسے بغیر کسی حساب کے دی گئی۔ جو کچھ ہمارے پاس ہے اسے رکھنے کے لئے ضروری ہے کہ وہ ہم دوسروں کو دیں۔

’’زندگی کی کہانی لکھنا آسان ہے مگر اس پر چلنا بہت پریشان کن ہے۔‘‘ ~ لوئیز ارڈرچ

میں تنہا نہیں

میں اپنی بیٹی اور اس کی منشیات استعمال کرنے کی عادت کے ساتھ نمٹنے کی کوشش کر رہی ہوں۔ وہ کبھی نرم دل رکھنے اور پیار کرنے والی بچی ہوا کرتی تھی مگر اب وہ بہت بدل گئی ہے۔ میری طرح اس کی زندگی بھی بدنظمی کا شکار ہو گئی ہے۔ جب میں نے نارانون میٹنگز میں جانا شروع کیا تو میں نے خود سے پوچھا ’’ یہ میٹنگز آخر میرے لئے کیا کررہی ہیں؟‘‘

اپنی بیٹی کو منشیات استعمال کرتا ہوئے دیکھنے کا درد کبھی نہیں جائے گا، لیکن نارانون میٹنگز میں شرکت نےصحیح معنوں میں اس درد کی تکلیف سے نمٹنا سیکھنے میں میری مدد کی ہے۔ اپنے پروگرام کی مدد سے میں اپنی کھوئی ہوئی زندگی دوبارہ حاصل کر رہی ہوں۔ اب میری زندگی کا دارومداد میری نشئی بیٹی کی بحالی، یا اُس نشے کی عادت سے پیدا ہونے والی دیوانگی پر نہیں۔

نارانون نے مجھے دکھایا کہ میں اکیلی نہیں ہوں۔ جب میٹنگز میں باقی ارکان اپنی کہانیاں بتاتے ہیں تو مجھے پتا چلتا ہے کہ دوسرے لوگ بھی اپنے پیاروں کی نشے کی وجہ سے میری طرح کے یا اس بھی برے مسائل کا سامنا کررہے ہیں۔ میری صورتحال اس سے بھی بُری ہو سکتی تھی۔

 میں دیکھتی ہوں کہ پروگرام نے ہر اس شخص کو مضبوط بنایا جس نے اقدام پر عمل کیا ۔ نارانون کے ارکان کئی مختلف صورتحال میں نشئیوں کے ساتھ رہ رہے ہیں۔ آج جو کچھ بھی میرے پاس ہے میں اس کے لئے شکرگزار ہونا اور یقین پیدا کرنا سیکھ رہی ہوں کہ میں بھی اپنے مسائل سے نمٹنے کے لئے طاقت حاصل کر سکوں گی۔

آج کی سوچ:

میں ہر روز اندھیرے کی نسبت روشنی زیادہ دیکھ سکتی ہوں۔

’’تمام خوبصورت چیزوں پر اپنا یقین پختہ رکھو؛ سورج پر جب وہ چھپ جائے، بہار پر جب وہ چلی جائے۔‘‘، روئے گِلسن

میٹنگز

نارانون میٹنگز میں شامل ہونا میری زندگی کا حصہ بن چکا ہے۔ چاہے میں صرف حاضری لگانے اورخالی جگہ پُر کرنے جاؤں، یا اپنی کہانی بیان کروں، یا صرف سُنتا رہوں، میں میٹنگز میں جانے سے بہت کچھ سیکھتا ہوں۔ میں فوری رائے قائم کرنے سے پرہیز کرنا اور متحمل رہنا سیکھتا ہوں۔ میں اُن لوگوں سے بھی سیکھتا ہوں جن سے سیکھنے کی مجھے کم توقع ہوتی ہے، حتی کہ نئے آنے والوں سے بھی۔

ایک بار ایک نووارد اپنی کہانی بہت تفصیل سے بیان کر رہی تھی، نشے میں ماونت کی وہ تمام چیزین جو وہ اپنے پیارے مریض کے ساتھ کر رہی تھی۔ اُس نے بتایا کہ آخر میں وہ بہت الجھن کا شکار تھی کہ ان سب چیزوں سے کوئی فرق نہیں پڑا اور نشئی میں کوئی تبدیلی نہیں آئی۔

میرے لئے یہ دیکھنا بہت آسان تھا کہ نشئی وہی سب کچھ کر رہا ہے جو ایک نشئی کرتا ہے اور وہ بھی وہی سب کچھ کر رہی ہے جو نشے میں معاونت کرنے والے کرتے ہیں۔ مجھے واضح طور پر نظر آرہا تھا کہ غلطی اس لڑکی کی طرف سے ہے کہ وہ یہ توقع کر رہی ہے کہ اس کا رویہ نشئی کے رویے کو بدل دے گا۔

اچانک مجھے یاد آیا کہ اُسی دن صبح میں نے بھی اپنے آپ کو منطق دے کر یہ طے کیا تھا کہ میں اپنی زندگی میں موجود نشئی کے لیے کچھ ایسا خاص کروں کہ اسے اپنے رویے کے نتائج سے زیادہ پریشانی نہ اٹھانا پڑے۔ میں نے سوچا کہ میں نے نشئی کی مدد کے لئے ایسا حل نکال لیا ہے جو اسکی نشے میں معاونت نہیں کرے گا۔

جب میں نے اس نووارد کو بالکل وہی چیز کرنے کے بارے میں بات کرتے ہوئے سنا جو میں کرنے کا سوچ رہا تھا تو مجھے واضح نظر آنے لگا کہ میری سوچ کتنی بیوقوفانہ تھی۔ میں اضطراری طور پر اپنا پرانا رویہ اختیار کرنے جا رہا تھا۔

آج کی سوچ:

جب میرا میٹنگ میں جانے کا دل نہ چاہ رہا ہو تو اسی وقت مجھے میٹنگ میں جانے کی سب سے زیادہ ضرورت ہوتی ہے۔ جب مجھے یہ سوچ آئے گی کہ وہاں میں کوئی کام کی چیز نہیں سن رہا تو میں چیزیں غور سے سنوں گا۔ جب میں یہ سوچوں گا کہ میرے پاس بتانے کے لئے کچھ نہیں ہے تو اس وقت میں شئیر کروں گا۔ میں میٹنگز میں جانے سے سیکھتا ہوں، سکھاتا ہوں اور بعض اوقات صرف وہاں ہونے کی مشق کرتا ہوں۔

’’ہر کسی کو ہر دوسرے کی مدد کی ضرورت ہوتی ہے۔‘‘ ~ برٹولٹ بریخٹ